簡單。金不換海鮮醬
今次再為大家拍片做呢個無得輸嘅萬用金不換醬！記得有位粉絲同我講，用呢個醬煮咗個意粉俾老公食，佢老公大讚，而且亦馬上由地獄煮神，回到人間俾到佢好大信心繼續用心去煮好每碟餸菜而亦因為呢個原因，我從中也得到好多得著，令我內心從分享的過程中得到更多喜悅感！
今晚我會用這個簡單又清新的醬去拌清蒸花竹蝦同粉絲！相信一定好惹味
附上一張之前用此醬快炒的意粉拼鮮鮑魚照片，真係咩調味都唔駛落，炒起就食得！
材料:
。金不換3～4棵，扎葉，洗淨，用廚紙吸乾水，切碎備用
。蒜頭4粒
。粗鹽1茶匙
。黑胡椒粉，半茶匙
。Olive Oil 4-5湯匙
做法:
將所有材料放入攪拌器打成醬即可！